盛載著好奇與期盼的玻璃樽、沿路上結伴同行的各個朋友、帶領大家破浪前行的鯨魚⋯⋯
面對旅途上的大風大浪，穩重的鯨魚化身為玻璃樽的避風港。即使遇到驚濤洶湧，亦從旁協助那股希望與純真一一跨過，直到他們能以自己的力量揚帆遠航的那一天。
華德學校以「勤謹謙信」為校訓，希望小朋友能夠在學校的協助與保護下，以勤奮、謹慎、謙遜、忠信的心茁壯成長，勇敢跨越成長中的困難與挫折，最後帶著豐盛的禮物繼續佢哋接下來嘅人生旅程。
以往Mi.TangleArt多次與華德學校合作，今年非常非常之幸運地能夠以禪繞壁畫藝術為佢哋嘅校園、學生以及老師們帶來陪伴。
總共六日的課程、80多位師生的參與、橫跨四面壁報牆的畫作，雖然期間遇上疫情、風雨的影響，令計劃一次又一次延期，但十分感恩地我哋都順利完成咗整個藝術品，將10個月前嘅故事構思同想法一一呈現出嚟。
日頭嘅壁畫為校園添加清新開朗嘅氣息；而夜晚喺射燈映照底下，壁畫中畫上Highlight部分嘅線條同字母更加會隱約地閃閃發光，帶嚟奇幻美妙的感覺！
多謝校方嘅信任、專業壁畫畫家 @leungkeimei 嘅教導、身負重任的導師們，以及一眾小幫手！
希望每位大朋友小朋友日後喺學校嘅時光之中，都可以一直保持住當日學畫壁畫的投入同興奮嘅心，慢慢前行，繼續努力將知識逐步逐步地儲起，就猶如呢幅大壁畫一樣，從空白一片開始，漸漸成為美妙的藝術品。