top of page

學校培訓

【60人3小時體驗班🏫
 正向心理 × 禪繞

website_活動相_呂祥光.jpg

老師們都好有創意🖌!

無論係Zentangle Pattern嘅設計,

抑或係中英文藝術字嘅座右銘,

出嚟嘅作品真係令人目不暇給呀!

 

今次Mi導師同約60位中學老師們一齊度過教師培訓日,體驗咗正向心理學同禪繞畫!

氣氛好好,三個鐘頭眨吓眼就過!

 

聽到老師們享受今次嘅工作坊,我哋都好滿足

仲同大家一齊食甜品🍰好sweet吖!💜

【Just enjoy Art!
 發掘大家的動與靜!

website_活動相__石圍角小學.jpg

前幾日同香港道教聯合會圓玄學院石圍角小學嘅二年班同學仔度過咗愉快嘅workshop~
Mi 導師同思允導師再度聯手教授兩班學生們畫zentangle!

 

今次用到圓形紙磚 Zendala 紙嚟體驗禪繞畫!
開始之前更加同大家簡單地進行咗靜心環節🧘🏻‍♀️

希望喺創作期間能夠更加focus喺一筆一劃之中🎨🧡 暫時唔使諗功課測驗住😆

【壁畫作畫前⋯⋯👀】
 家長基礎禪繞工作坊

website_活動相_華德壁畫工作坊.jpg

華德 Season 2 壁畫能夠大功告成,不得不提到今次有埋家長們嘅參與,令到整個壁畫workshop進行得事半功倍同更加愉快呀!

喺正式開畫牆壁前,Ceci 導師就率先指導咗家長們一啲基本嘅禪繞技巧。
 

除咗認識到禪繞中「點、線、面」嘅關係,大家都完成咗一幅Ravel, Oysteriod, Flux嘅Tangleation,畫得勁有心機,真係好靚啊!!
 

【教師體驗班😻】
 以手寫字治療身心靈健康

website_活動相_天水圍.jpg

呢次去到天水圍一間學校同老師們一齊寫現代中文書法~好開心大家都諗到各自想寫嘅字句,仲各有風格添呀!❤️‍🔥❤️‍🔥

相信只要大家得閒練吓,都可以搵到自己嘅style,咁就咩字都寫到啦🥰

【寫我所想!💭】
 老師學生家長齊齊寫!

website_活動相_AUG23_迦密愛禮信中學.jpg

Mi 導師三訪迦密愛禮信中學,繼中二同學、一眾教職員,呢次到同學生 & 家長們一齊參與家教會嘅 #現代中文書法 親子workshop!

 

喺親子工作坊入面,大家學咗基本筆劃嘅寫法,嘗試咗寫自己嘅名同各種詞語嘅寫法與擺位方式 👍🏻 而教職員工作坊就有啲唔同 💡我哋嘅作品唔再局限於名字 ✌🏻 等大家學完基本筆劃、習慣咗點樣更靈活地運用支 brush🖊️ 後,就由各位自由發揮個人風格,寫出自己想寫嘅文字同語錄,想寫咩就寫咩喇!

 

希望大家都鍾意自己嘅作品啦💓📝~

【LET'S DOODLE!
 🌤 𝗟𝗼𝘃𝗲,𝗦𝗺𝗶𝗹𝗲&𝗛𝗮𝗽𝗽𝘆!

website_活動相_July_阮鄭夢芹.jpg

考晒試又未到暑假🌞⋯⋯有咩可以喺學校同一眾同學仔一齊放鬆吓,寓學習於娛樂 ?

今次總動員去到聖公會阮鄭夢芹小學,總共10位導師同20班唔同年級嘅同學仔畫 Doodle Art 🖊🎨 簡單一張紙,一枝Marker筆,就可以創作出自己鍾意嘅小角色🍔


見到大家好快明白doodle嘅基本技巧得嚟,又充滿自己嘅想法,創意爆棚💡喺一個鐘頭內就完成晒成幅作品,仲上埋卡紙畫框 🎀😎 真係好叻呀!
有啲同學仔仲特登畫咗爸爸媽媽,話想送俾媽咪爹哋,超級有心思💌~~

【六年級工作坊
 🌤將願望寄託在畫中吧!

website_活動相_jul2023_hfcs.jpg

今次Mi導師再度搵埋SzeWan、Peony導師一齊上堂,同嘉諾撒聖家學校嘅小六同學仔畫畫!

暑假在即,咁亦代表住一班六年級學生即將離開學校,成為準中學生~👩🏻‍🎓大家喺作品都抒發咗唔同嘅想法,可能係希望未來有好嘅發展,可能係寄望同學間能夠友誼永固,又可能係簡簡單單希望自己have a nice day!🧚🏻‍♀️🍀

 

喺手板咁大嘅畫作入面,可以寫低嘅想法有限。但「千里之行,始於足下」,相信字裡行間嘅願望種子已經喺同學仔們心入面萌芽🌱會喺未來路上陪住佢哋一齊成長~

【小學體驗工作坊
 記得欣賞!

website_活動相template_李兆基小學.png

今次Mi導師同Ceci導師連同SzeWan & Peony導師👩🏻‍🎨四位CZT導師一齊去到香港青年協會李兆基小學,分別同四班同學仔一齊創作明信片!

 

喺短短兩個鐘頭,同學仔唔單止學到基本嘅禪繞知識同Patterns,仲學埋畫寶石嘅技巧,更加可以自己畫出一張明信片添!見到大家專心又得活潑又得,大家都好叻,學嘢好快呀⚡️⚡️

 

關於小畫框 💭 基礎禪繞平時會以白紙磚作畫,但其實課程都可以安排小畫框俾學員,喺完成畫作之後將作品裝錶起嚟,儀式感滿滿!🖼️ 有時就係呢一小步,提醒到我哋要記得欣賞 🎶

中學體驗工作坊
 見字都可以relax~

website_活動相_Feb2023-迦密愛禮信中學-1.png

早排喺2月呢個洋溢住愛的月份同迦密愛禮信中學嘅同學仔們學寫中文藝術書法✍🏻

藉住專心寫中文藝術字嘅時間,都想提吓各位:愛自己所寫嘅字,愛專注寫緊字嘅自己💝

 

喺呢次短短嘅體驗工作坊之中,

幾組同學都設計到自己嘅名字明信片,開心💗

 

但難得學到新式中文藝術書法嘅寫作技巧,

相信充滿想法同創意🈵嘅同學仔實有更多字句想寫出嚟😤❤️‍🔥

希望再有機會分享埋句子創作設計嘅技巧!📝

【家長體驗工作坊】
 今天進步了2%~

website_活動相_2023Jan_興華幼兒學校.png

講到寫中文書法,當然唔少得寫揮春啦!
農曆新年前夕,Mi導師同🍀基督教香港信義會興華幼兒學校嘅家長們學寫中文藝術書法,順便為今個兔年寫定揮春!🖌

好欣賞大家想越學越多嘅精神❤️‍🔥教到大家寫出自己心目中想寫嘅祝福語,我哋都好高興❣️

祝大家呢個兔年迎兔添福,每日都開開心心,幸福健康!🐇🐇✨

【教師體驗工作坊】
 Stress, go away!

2022Oct-林村.png

Mi導師以往都經常與不同學校合作舉辦大大小小嘅 workshop,今次去咗林村公立黃福鑾紀念學校同老師們學畫 Zentangle!

好開心介紹到 Zentangle 俾大家識!聽到老師們喺畫禪繞畫嘅過程中能夠放鬆之餘又得到成功感,我哋都戥大家開心!🫶

無論內容係啲咩,教育都唔係一件容易嘅事。希望畫 Zentangle 可以為大家可以帶走啲壓力啦!🌬️🌬️

【50人教師培訓班】
 Teacher? Student?

2022Nov-保良局.png

今次分享同保良局方王錦全小學嘅50位老師一齊畫 Zentangle 嘅體驗 workshop!

大家都畫得好靚,完全唔覺得係第一次玩禪繞畫或者係初學者嘅作品,老師們都好叻呀!👏🏻

【小學校園壁畫創作】
 Trust the Process!

website_活動相_華德壁畫.png

以往我哋多次與華德學校合作,今年非常非常之幸運地能夠以禪繞壁畫藝術為佢哋嘅校園、學生以及老師們帶來陪伴。總共六日的課程、80多位師生的參與、橫跨四面壁報牆的畫作,雖然期間遇上疫情、風雨的影響,令計劃一次又一次延期,但十分感恩地我哋都順利完成咗整個藝術品,將10個月前嘅故事構思同想法一一呈現出嚟。


希望每位大朋友小朋友日後喺學校嘅時光之中,都可以一直保持住當日學畫壁畫的投入同興奮嘅心,慢慢前行,繼續努力將知識逐步逐步地儲起,就猶如呢幅大壁畫一樣,從空白一片開始,漸漸成為美妙的藝術品。

【小學興趣班課程】
 學多啲,畫多啲

202207_伍華.png

多謝天主教伍華小學嘅洪老師同一班同學仔呀🚸

好有幸可以同伍華小學三至六年級嘅學生們上咗八堂Zentangle Class!喺呢兩個月,我哋學咗唔同嘅禪繞pattern,仲體驗咗喺不同紙磚上做創作添~

 

雖然冇得實體地同大家face-to-face上堂👩🏻‍💻但我哋今次都有調整返教學節奏,繼續喺Zoom課堂中加入靜觀時間,幫助同學喺畫zentangle期間更加專注集中~

大家都好犀利!!隔住個mon都跟到Mi導師嘅教學,各自畫到8️⃣幅畫!超滿足ahhhh!

【小學家長工作坊】
 自己袋,自己畫!

202207_觀塘聖約翰.png

多謝觀塘聖約翰天主教小學嘅老師同一班家長學生,好開心同到大家度過呢幾堂嘅zentangle布袋工作坊!🎨

 

今次比平時嘅畫班特別一啲,除咗教大家基本嘅禪繞技巧,我哋將zentangle由紙張搬到上totebag,直接攞布用彩繪筆 (fabric markers)🖊喺布袋上面創作,從而畫出獨一無二嘅帆布袋,可以拎出街用!!🛍🛒

【全級四班聯合】
 減壓禪繞@沙官

202109_沙田官立中學9.JPG

呢次去到沙田官立中學搵咁多位中六同學仔,入到課室同四個班別嘅同學仔畫畫📍🏷

 

好高興聽到同學仔們可以喺呢次體驗班得到滿足感🌬🎐。終於係專注地畫吓畫,唔駛專注操past paper(暫時only)喇 🤖

 

希望同學仔們真係學識到要感受自己自己的筆觸(aka不足🤣) ,🪞學識感受同面對自己不同的情緒,好好調節再繼續向前行啦!🛤🏃🏻‍♀️🏃🏻

【學校包班】
 親子禪繞工作坊@廣小

4.png

呢次有機會到廣東道官立小學,舉辦親子禪繞工作坊

喺Mi導師同各位小幫手嘅指導下,一眾大朋友小朋友都超專注地設計自己嘅禪繞圖案~

雖然今次嘅親子工作坊時間唔長,但大家都好有天份同心機,畫得好靚!

【學校包班】
 200人ZOOM住學

40841bc7-a559-4a69-ba01-bc01989a4e08.jpg

親子 Zentangle 網上教學❗️
因為疫情無法舉行大型的畫畫教學😢
所以這次我們與一間小學聯手合作,
舉辦了親子 Zentangle Zoom 網上教學👩🏻‍💻👨🏻‍💻
讓大家安全留在家裡之餘,
亦能在家感受禪繞的樂趣🌀🌀

這次教學有200人參與~儘管無法在旁指導,
但透過鏡頭和Mi導師一步一步的講解下 👩🏻‍🏫
在兩小時的畫畫過程中,不論家長、學生、老師還是校長,大家都感受到 Zentangle 的「魔力」,進入放鬆專注的狀態,創作出自己獨特的成品,讓人愛不釋手🥰🥰!

【學校包班】
 DSE減壓Zentangle

WhatsApp Image 2021-06-28 at 11.42.45 (3

好多謝 嘉諾撒聖瑪利書院 嘅邀請,
令我哋可以同一班中五學生分享襌繞創作!


升到高中嘅同學仔為咗應考DSE公開試,
日以繼夜地溫習,應付密密麻麻嘅考試測驗
壓力一定大到不得了,希望今次嘅藝術體驗令大家可以在壓力中放鬆一番啦!

 

【學校包班】
DSE減壓Zentangle

圖片3.png

很高興得到中學學校邀請!
有機會喺一個半小時裡面,
與80多位中六學生一起畫Zentangle作減壓嘅課程!

 

bottom of page